2017年7月2日 星期日

投資為豐盛人生之本

大家好! 我是一名八十後,自我數年前開始接觸投資理財,透過閱讀投資理財書籍及各位Blogger 既文章,加上自己係投資路上的起跌,確立投資的目的與及投資係人生中的意義,從此愛上投資,醉心研究投資。

投資是人生之本,是豐盛富足人生的基石。

我諗一切要由數年前說起,當時我已踏足社會一段短日子,開始思考人生的方向同意義。經過不斷的思考、觀察、閱讀,我預視到人生有兩個問題要解決 (提早中年危機 ,哈哈)

第一個問題是在於基本生活。呢個問題同世界貨幣系統同埋退休生活有關。

現今世界貨幣系統就係不斷印銀紙,將錢放係存戶口,等同每日被人偷錢,唯有投資先可以保住財富既購買力。至於點解會形成今日的世界貨幣系統,有機會寫文再談。

現時香港人平均壽命好長,根據日本厚生勞動省的數據,2015年香港男性和女性分別係81歲及87歲。距離退休年齡65歲平均有16至22年,我意識到必須未雨籌謀,為退休後的生活費做好準備。

第二個問題係人生意義。好多人人生在世(包括我)都係為左自己、老公/老婆同仔女有更好既家庭生活質素。要有好生活就要努力搵錢。普遍香港人工時長人所共知,壓力又大。放工之後僅得少量的時間同心力放係家庭生活,星期日都有機會因為諗住星期一的工作而影響心情,影響家庭生活質素。不能達成更好家庭生活質素的目標。

上文提及到生活就要努力搵錢,好容易陷入《富爸爸、窮爸爸》所說的老鼠賽跑。隨住收入增加,年輕夫婦決定買樓。買左樓,就要交稅(係香港而言,要供樓)。然後買車買家私。之後仔女出世,又要努力工作搵錢,供書教學。到左五十歲,仔女有本事搵食,先發現冇足夠的錢退休。

總括而言,就是窮忙生活,一生受盡金錢束縛。

理想家庭生活質素以及做生活中有意義的事情,就係我定義的富足豐盛人生。

解除金錢的束縛達致富足豐盛人生的方法:儲資產以建立自動產生現金流系統

自動產生現金流系統夠強大,所產生的被動收入能夠應付生活所需,就財務自由,解除金錢的束縛。

現金流系統要有兩個重要要素

1. 12個月要有現金流
2. 現金流要不斷增長 

達到以上兩點先可以全年有被動收入應付生活所需以及解決通漲問題

個人目標: 35歲 100萬 46歲 1000萬

講左咁耐,講下我寫Blog目的。

第一個目的係希望將自己的投資理念、心路歷程、資產配置以及未來投資動向透過文字一一記錄,以明晰心中所想。 (好似我依家咁,寫呢篇文章都寫左好耐 =D)
第二個目的係與各位Blogger多多交流,係投資路上結伴同行。有感係香港認真對待投資的人唔多,大部分人都係投機。


18 則留言:

  1. 回覆
    1. 多謝夢想爸爸 大家一齊係人生中努力實現夢想 =]

      刪除
  2. 回覆
    1. 多謝價值兄 要繼續向價值兄多多學習

      刪除
  3. 回覆
    1. 多謝初心兄 一齊努力 向目標邁進

      刪除
  4. 你好呀
    同你一樣都係八十後
    目標都係同你差唔多
    30歲已有人生第一個100歲 買了自住樓
    35歲嚟緊希望儲到有第二個100萬
    40歲有400萬 有近20萬股息 希望能像七十後兄的blog的第一頁開始
    50歲前希望有一千萬 能像一千萬自由兄

    回覆刪除
    回覆
    1. 大家一齊努力 原來都有八十後同我目標一致 結伴同行既感覺好好
      儲蓄兄比我更利害 已經有自住樓 我因為樓價太貴 等待時機先買 大家八十加油

      刪除
    2. 見到有同樣八十後目標一致感覺有同路人也很開心
      希望日後能大家多多交流大家的計劃細節和心得
      大家一同加油����

      刪除
  5. Alex兄你好 小弟也是80後 很多80後正積極部署財務自由之路 2十幾至3十幾歲是黃金時期 以後多交流財務知識 ^^

    回覆刪除
    回覆
    1. 森林兄講得好岩 我有留意你既文章 原來你同我既目標一樣 有同行既感覺 好開心20-3幾歲 擁有既最大資本就係時間值 我地應該充份發揮我地既優勢 利用複利效應 將我地既資產愈滾愈大 大家一齊堅持努力

      刪除
  6. 回覆
    1. 歡迎O2兄 我會寫有關領展既文章 到時大家交流交流

      刪除
  7. 祝開blog大吉,夢想早日達成 !

    回覆刪除
    回覆
    1. 多謝Link仔 多D黎睇下 我會定時寫有關領展既消息 =]

      刪除