2017年12月30日 星期六

2017年結 及2018展望

仲有2日就到2018年,係時候總結一下今年既理財同投資


2017總結
  1. 組合表現相當不錯,加權回報率21.82%,達到目標回報率17.5%。但係表現跑輸恆指36%,呢個同上半年投資方向同配置有關,下半年亦做左好大既轉變,下面再詳述
  2. 今年支出佔主動收入比例由71.87%增加至76.01%。下面有詳細分析
  3. 主動收入投入的資金減少20% 同支出比例增加有關
  4. 被動收入增加300% 
  5. 財務自由比率 (被動收入/總支出)由0.77% 升至2.01%

開支
增加既開支主要係食物(44%)、保險(6%)、旅行開支(16倍)、電子產品 32%)。娛樂開支減少一半。娛樂開支減少既原因係朋友間既聚會愈來愈少,但亦增加左Apple Music 呢個恆常開支,生活上多左樂趣,支出唔係增加好多,值得。食物支出增加係因為少左帶飯。保險方面買多左份保單。旅行方面,11月去左柬埔寨旅行,我發現我都幾鐘意去旅行,我覺得儲畜之餘亦要有令自己開心既使費,為財自旅程中添加動力,最終目標係用被動收入去旅行。電子產品方面,上年買左iPhone 6S ,今年買左iPad Pro 作為讀書娛樂投資之用,取替8歲既手提電腦。

投資組合配置



今年投資配置上有好大改變。由於之前對貴金屬(實銀)做左好多功課,金銀係股災之後獲利可以數以幾十倍計,所以將超過60%資金配置到實銀。實銀既波幅實在太大而且金銀既升跌係取訣於投資者既心理,係股災前都唔會有咩回報。對於實銀,我有新既定位,回到初衷,作為財富組合既保險。年中分三次將實銀賣出,實銀係組合中既配置由65%降至12%

4-5月賣出實銀既資金全數買入領展,令領展既投資比重曾經高達67%

7月決定改變投資方向,以投資增長型企業為主,加快財富增長。同時希望適度分散投資於不多於10間企業,分散風險之餘亦容易管理各個投資項目。

下半年分階段由領展撤資,投資比重由67%降至20%。唔係因為領展唔好。領展管理非常好,2018財年上半年亦非常滿意,NAV升幅達9.1%,超符我既預期,預期未來兩年領展既連股息回報o會有16-17%。但係領展始終係REIT,始終不及其他增長企業既盈利增長率。所以將資金轉投高增長企業。領展既超穩定增長係組合中既定海神針。

賣出領展既資金係10-12月買入Apple Inc、騰訊同比亞迪。基本上配置完成。簡單講下買入原因:

Apple Inc:第一, 護城河好深,因為顧客忠誠度高(包括我 😂😂),調查指出Apple顧客忠誠度超過9成,下次再購買手機/Tablet/Laptop都會幫襯Apple。第二,服務收入持續增長,呢兩年都有超過20%增長。服務收入包括Apple MusicApple Pay Apple Care同埋 App StoreApple CEO Tim Cook 目標係2020前增加一倍服務收入,年均會有16-17%增長。第三,回購股票,每年為EPS增加10%。第四,2017年係產品革新同產品選擇方面相信會令iPhone iPad 有不錯既收入增長。第五,亦係最重要既一點,依家Forward PE 14,遠低於其他科技公司(Google, Amazon, Facebook),原因係賣iPhone對盈利既不穩定性。但係Apple 近年大力發展Apple pay, Original content Apple Music。有意發展為Service Company。若果服務收入持續20%以上增長,係總收入比重會愈來愈高。多左recurring income ,若果市場到時比更高既PE 既話,回報會係可觀。

騰訊:中國互聯網服務龍頭,主要業務包括手遊、音樂、廣告、手機支付,當然仲好多其他服務。騰訊已經完善建立左自己既生態系統,基本上係各方面壟斷左內地人既生活。加上內地中產愈來愈多,支持騰訊盈利持續高增長。

比亞迪:因為環保關係加上生產電動車及電池技術日佔成熟,未來10-20年好多國家既政府都會禁止柴油車生產及行使,而大力推動電動車發展。比亞迪生產電動車同電動車電池技術行內數一數二,相信未來十年會有倍計既回報。

2018展望

2018年方面持股方面唔會有大改變,不會有太多買賣,長期持股,睇住投資項目價值不斷增長。

來年會更深入研究
  1. 公司估值既方法,令投資決定更有信心
  2. 自動駕使車- 相信亦會係未來既發展方向,但係生產自動駕使車既公司好多,競爭激烈。所以會研究生產自動駕使車重要零件GPU既公司 行業龍頭 NVIDIA AMD
  3. 對騰訊、比亞迪、Apple Inc 作更深入既了解,因為投資決定相當倉促,未有深入了解,亦係今年做得唔好既地方





















4 則留言:

  1. 被動收入增加了咁多😃恭喜哂呢 跑輸恒指唔算得d咩 冇買齊2318 2382呢d全套根本跑輸恒指十分正常 見你精神生活消費多了 你說儲蓄之餘亦要懂享受我是支持與贊同 儲了唔去洗有違儲蓄最終目標(令自己開心)

    另外見你組合轉型 由單調的物業收租分拆做一些新經濟類與增長較強的類型 配合社會經濟新方向 這我祝你成功

    最後祝新年快樂 投資順利 事事一帆風順

    回覆刪除
    回覆
    1. 多謝 被動收入多左 我都好開心😃 不過來年會減少因爲組合內多左派息低既企業。

      投資達到財務自由,最終目的都係令生活質素增加 有自由的金銀同時間過自己享往既生活。若果財自的過程中好似苦行差 令自己唔開心 😫有乜謂呢 無左10-20年既人生 所以我覺得適量既精神玩樂精費 令自己開心😃 係好重要既。投資開心 生活又開心😊

      組合轉型 希望可以捕捉到經濟發展新趨勢 有過住10年iPhone 數倍計既回報。不過注資銀行保險業務 令業務更多元化

      刪除
  2. 很好的理財投資計劃,亦因檢討適時變陣,很好!祝2018投資大大超越目標!

    回覆刪除
    回覆
    1. 多謝 夢想爸爸 😃檢討適時變陣好重要 可以糾正投資心態同達到目標回報率
      祝夢想爸爸 新年快樂 賺到盆滿缽滿!

      刪除