2017年7月28日 星期五

投資大方向及理念

投資大方向

上一篇Blog文講左我投資既終極目標:建立12個月現金流系統以達到財務自由。依家要做既就係決定投資大方向去達到目標。

最近睇左龔成既著作《致富藍圖》得到啟發,決定以書中所述既方向作為我投資大方向。

致富藍圖的原則:「先追求資產增值,後追求現金流」。

由於現時係投資初期,雖然過去幾年已累積一筆小資金,但所產生既現金流不多。若追求現金流的話,回報率可能只有每年10%既回報。年輕人最大既資產就係時間,享有極大既複利效應每年10%回報與每年20%回報30年後既差別非常大。舉個例子,投資者A 每年回報10% 而投資者B 每年回報20%,兩個人都投資10萬,30年後,投資者B的財富係投資者A的16倍。年輕時追求現金流會浪費左複利既威力。

因此,我將資金配置到增值股同潛力股,追求資產增值以充分利用同享受複利既威力。

目標年回報率:17.5%

現時投資組合

現時既投資組合係定下上述大方向前買入,未來會有變動。



投資理念
龔成既著作《致富藍圖》比我另係一個好重要既投資理念就係「資產升值,現金眨值」,一生不斷將現金轉換成資產。財富以資產形式持有。投資要著眼於資產價值,而非現金。

好多人都講過一句說話「一日唔賣,D錢都唔係你既」,追求既係現金差價。呢句說話既含意就係累積現金。呢個想法好不智,因為現金係貨幣系統數量只會不斷慢慢增加。現金既價值不斷慢慢下跌。累積現金等同累積不斷眨值既野。大家可以從以下影片知道貨幣系統既真相



資產一方面係貨幣系統下不斷上升以反映現金眨值。另一方面,資產亦會資產質素上升而增值。以企業為例,企業會因為銷售量上升以致盈利上升,令企業價值增加。

要致富,財富要配置到貨幣系統以外,以資產形式持有。呢個理念唔單止防止自己辛苦賺既錢被人偷,仲可以成為資產擁有人,將自己放係有利位置。




7 則留言:

  1. 最悲哀的是有部份人係知道揸現金會貶值 但都唔願意將之變做可增值的資產 不願做任何投資呢下弊 期待alex兄找對合適自己的投資方向與組合

    回覆刪除
    回覆
    1. 知而不行,甘願做經濟系統和貨幣系統之下奴隸,實在可悲。
      又有可能係財務知識不足,冇正確既理念,用錯左方法,只懂炒股。
      唔知道唯有儲不斷增值既資產,財富才可不斷增加。

      刪除
    2. Alex兄佔最多的823是十分優質的資產 領展自己最近也回購了 增持變得困難了 我坐定定睇9月業績期完結後大市會否調整睇下有冇機會大平賣^。^ 你會增持823嗎 抑或買入其他企業 因為38.2%算較大的佔比了 雖係優質 但不覺風險集中嗎

      刪除
    3. Forest 兄講得岩 領展係非常優質既資產 多年黎都維持高增長 我好放心持有 所以係組合中第一大持股 低價會再增持

      如Forest 兄所言,單一行業風險較大。現時正研究不同行業,揀選優質高增長企業,分散行業風險

      刪除
    4. 大方向正確,儲資產,資產最緊要優質。

      我都等待再買入領展的機會。

      刪除
    5. 原來夢想爸爸都持有領展 =]

      刪除
  2. 我現在無持有領展,上年$55放咗,期望下半年有機會買返少少。

    回覆刪除